Almatyda Ǵulamalar keńesiniń HHHIII májilisi bastaldy (FOTO)
Búgin Almaty qalasyndaǵy Ortalyq meshitte QMDB Tóraǵasy, Bas múftı Naýryzbaı qajy Taǵanulynyń tóraǵalyǵymen Ǵulamalar keńesiniń HHHIII májilisi bastaldy.
Naýryzbaı qajy Taǵanuly keńes jumysyn ashyp, Ǵulamalar keńesiniń osy ýaqytqa deıin atqarǵan jumysyna oń baǵa berdi.
«Allaǵa shúkir, Ǵulamalar keńesiniń jumysy joǵary deńgeıde ótip keledi. Sonyń nátıjesinde byltyr «Pátýalar jınaǵynyń» úshinshi tomyn jaryqqa shyǵardyq. Sonymen qosa ǵylymı jobalardy qolǵa aldyq. Osy oraıda eńbek etip, atsalysqan barshańyzǵa taǵy da Alla razy bolsyn dep shynaıy alǵysymdy bildiremin» dedi Bas múftı.
Eki kúnge jalǵasatyn májiliste «Áskerı boryshty óteýdiń úkimi», «Qaýeset taratýdyń úkimi», «Memleket jáne jeke tulǵanyń múlkine qol suǵýdyń úkimi» t.b taqyryptar talqylanyp, pátýa beriledi. Sondaı-aq «MUFTIYAT» baspasynan jaryq kórgen jańa kitaptardyń tusaýy kesilmek.
