Almatyda IH respýblıkalyq Quran jarysy ótedi (FOTO)

Qazaqstan musylmandary dinı basqarmasynyń uıymdastyrýymen 2020 jyldyń 27-28 shilde kúnderi Quran Kárimdi jatqa jáne mánerlep oqý boıynsha IH respýblıkalyq Quran jarysy ótedi.        

Saıys Quran Kárimniń 30 parasyn, 20 parasyn, 10 parasyn jatqa oqý jáne mánerlep oqý sekildi 4 nomınatsııa boıynsha uıymdastyrylady.

Quran jarysyna qatysýshylarǵa qoıylatyn talaptar:

- Qurandy jatqa aıtýyna, tájýıdimen kórkem oqýyna basa mán beriledi;
- úmitker óz oblysynda ótkiziletin aldyn ala irikteý saıysynda 1-oryn alǵan jaǵdaıda ǵana jarysqa joldama alady;
- tolyq Qurandy jatqa oqý nomınatsııasy boıynsha qatysatyn úmitker respýblıkalyq, halyqaralyq jarystarda júldeli oryn almaǵan bolýy kerek;
- úmitker QR er azamaty bolýy kerek;
- úmitkerdiń 30 jastan aspaǵan bolýy kerek;
- úmitker jarysqa tek bir nomınatsııa boıynsha ǵana qatysa alady. 

Sondaı-aq, irikteý saıysyna úmitkerler qazaqy kıim úlgisinde ǵana qatysa alady.

Qajetti qujattar: «Úmitkerdiń anketasy», «Jeke kýálik kóshirmesi», «Irikteý saıysynyń sertıfıkat kóshirmesi» men «Bas ımamnyń usynys haty».
Joǵaryda atalǵan qujattar úmitkerden 2020 jyldyń 17 shildege deıin respquranjaris@mail.ru Elektrondy poshtasy boıynsha qabyldanady.   

Jeńimpazdar men júldegerlerge avtokólik pen qarjylaı syılyqtar tabystalyp, arnaıy sertıfıkattar beriledi.

Paıǵambarymyz (oǵan Allanyń ıgiligi men sálemi bolsyn) bir hadısinde: "Senderdiń eń jaqsylaryń – Qurandy úırenip, ony basqalarǵa úıretkenderiń» dep aıtqanyndaı, barshańyzdy qaıyrly iske atsalysyp, Allanyń razylyǵyn alýǵa shaqyramyz.

Qosymsha aqparat úshin: +7 702 758 38 58 – Serik qarı Bolathanuly