Almatyda «Meıirim» múmkindigi shekteýli balalardy ońaltý ortalyǵy esigin ashty (FOTO)

14 qarasha 2018 8936 0
Оqý rejımi

Almatyda 43 myńǵa jýyq múmkindigi shekteýli jan bar. Onyń 5 myńy – jetkinshekter. Taǵdyry tolǵandyrǵan balalarǵa barynsha qoldaý kórsetý qoǵamǵa ortaq paryz. Osy oraıda shaharda múmkindigi shekteýli balalardy ońaltýǵa arnalǵan «Meıirim» ortalyǵy esigin ashty.

Biregeı ortalyq 3-15 jas aralyǵyndaǵy tserebraldy pa­ra­­lıch, ıaǵnı túısiný qabileti men sezimtaldyǵy, sondaı-aq qı­myldaý júıesi buzylǵan, ıntel­lektýaldy damýynda aqa­ýy bar, Daýn sındromyna shal­­dyqqan balalardy ońaltýǵa ar­nalǵan. Aıryqsha kóńil bólýdi qa­jet etetin jetkinshekter mun­da nevropotolog, psıholog, lo­­­goped, pedıatr, defektolog ma­­­mandardyń jiti baqylaýynda bolady. Bir ereksheligi, ár balany ońaltý men damytýǵa arnalǵan jeke damý jospary ázirlenip, olarǵa sol baǵdarlama boıynsha kómek kórsetiledi. Oǵan qosa psıhologııalyq-peda­gogıkalyq kómek, massaj ben fızıoterapııa kabıneti, mýzyka, óner jáne oıyn-saýyqtyrý qyzmetteri de qamtylǵan.

– Qazaqstandaǵy jalǵyz sen­­­sorlyq keshen osynda orna­lasqan. Balalardyń kórý, estý qabiletin damytatyn montessorı ádistemelik kabıneti men sen­sorlyq bólme zaman talabyna saı sońǵy úlgidegi quraldarmen jab­dyqtalǵan. Mamandar de­ne qımyldaýynda aqaýy bar ba­­­la­lardyń aıyǵyp ketýine qoldan kelgenshe kómek jasaıdy. Tá­jirıbe kórsetkendeı, ýaq­tyly ári josparly túrde em qa­byl­­­dansa, pedagogtar sapaly ju­mys istese balalar jaqsy nátı­jelerge jetedi, – deıdi «Me­ıi­rim» múmkindigi shekteýli ba­­la­lardy ońaltý ortalyǵynyń bas­shysy Lıýdmıla Drozdova.

Jalpy aýdany 9 myń shar­shy­ metrdi quraıtyn keshen 60 balaǵa shaqtalǵan. Or­ta­lyq aýmaǵynan te­pe-teńdik us­­­­taýdy damytatyn, jalpy jáne usaq motorı­kany, vı­zýal­dy beınelerdi, áleý­met­tik jáne toptyq oıyn daǵ­dy­­laryn damytýǵa arnal­ǵan el aýmaǵyndaǵy jalǵyz ınk­lıýzıvti oıyn alańyn da taba alasyz. Nysan jeke ınves­tordyń qarjysyna sa­lynǵan.  

Keshenniń ashylý saltanatyna kelgen qala ákimi Baýyr­jan Baı­bek Almatyda erekshe qa­jettilikteri bar adam­dar úshin barlyq jaǵdaı ja­salatynyn aıt­ty. Onyń só­zinshe, sońǵy úsh jylda mú­ge­dek jandardy qoldaý isin qar­jylandyrý kólemi 2,5 esege ulǵaıǵan. Qa­ladaǵy nysan­dar tolyqtaı pas­­porttalyp, onyń 67%-y mú­ged­ek jandarǵa ar­nalyp beıim­delgen.

Búgingi tańda Daýn sındro­my­na, aýtızmge shaldyqqan sábı­ler sany azaımaı tur. She­tel­dik ǵa­lymdar kez kelgen sın­drommen týylǵan balany qa­lypty ómir­­ge beıimdeýge bolatynyn aı­ta­dy. Týa sala taǵdyr taýqy­metin tartqan mundaı jet­kin­shek­ter ata-ana men arnaıy ma­­man­dar­dyń kómegine muqtaj. Olar­dy ońaltýǵa ar­nal­ǵan osyn­daı orta­lyqtar kóp­tep ashyl­sa degen ti­le­gimiz bar. 

Pіkіrler Kіrý