ALMATYDA RANT MÚShELERINE ARNALǴAN SEMINAR BASTALDY (FOTO)

Búgin Almatyda Qazaqstan musylmandary dinı basqarmasynyń Respýblıkalyq aqparattyq-nasıhat toby múshelerine arnalǵan semınar bastaldy.

Semınar jumysyna QMDB Tóraǵasy, Bas múftı Naýryzbaı qajy Taǵanuly arnaıy qatysyp, RANT múshelerine «Ýaǵyz aıtý ádebi men ýaǵyzshynyń mindeti» taqyrybynda dáris oqydy. Sondaı-aq ýaǵyzshy ımamdardy múbárak Máýlit aıymen quttyqtap, din jolyndaǵy qyzmetterine bereke tiledi.

«Rasynda da qoǵamda ártúrli pikirdegi san alýan adam bar. Biz barlyǵynyń oıynan shyǵa bermeýimiz múmkin. Eń bastysy qara shańyraǵymyz bolǵan Qazaqstan musylmandary dinı basqarmamyzdyń aıasyna toptalyp, aýyz-birshiligimizdi saqtap, yqylaspen qyzmet etýimiz kerek. Osy oraıda oblystarǵa baryp, qyzmet jasap, nasıhat jumystaryn júrgizip otyrǵan ózderińizge alǵys bildiremin» dedi QMDB Tóraǵasy.

Aıta keteıik, semınar barysynda RANT múshelerine din ǵalymdary, Dinı basqarmanyń Ǵulamalar keńesi músheleri Sansyzbaı Qurbanuly, Ershat Aǵybaıuly, Tóráli Qydyr, Rashıd Muhıtdenov jáne basqa da ustazdar dáris oqyp, sertıfıkat tabystalady. Semınardyń maqsaty – RANT-nyń qoǵamdaǵy bedelin arttyrý.

​