ALMATYDA «ULY DALANYŃ DINI TULǴALARY JÁNE RÝHANI BIREGEILIK MÁSELESI» KONFERENTsIIaSY ÓTÝDE (FOTO)

Búgin Almaty qalasyndaǵy Nur-Múbarak ýnıversıtetinde fılologııa ǵylymdarynyń doktory, professor, ýnıversıtetke qarasty Ábý Hanıfa ǵylymı zertteý ortalyǵynyń dırektory, QMDB Ǵulamalar keńesiniń múshesi Shamshádın Kerimniń 60 jyldyǵyna arnalǵan «Uly dalanyń dinı tulǵalary jáne rýhanı biregeılik máselesi» taqyrybynda halyqaralyq ǵylymı-teorııalyq konferentsııa bastaldy.

Konferentsııa jumysyna Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly, Nur-Múbarak ýnıversıtetiniń rektory Muhammad ash-Shahat ál-Jındı, Aqparat jáne qoǵamdyq damý mınıstrligi Din isteri komıtetiniń tóraǵasy Erjan Núkejanov (onlaın), M.Áýezov atyndaǵy Ádebıet jáne óner ınstıtýtynyń dırektory Kenjehan Matyjanov, «Arys» qorynyń prezıdenti Ǵarıfolla Ánes, sonymen qatar sheteldik jáne elimizdiń ǵalymdary, din qyzmetkerleri qatysýda.

Aıta keteıik, konferentsııa barysynda «Uly dala elinen shyqqan dinı qaıratkerlerdiń murasy jáne Islam órkenıeti», «Syǵanaqı muralaryn zertteýdiń ótkeni men búgini», «Din jáne salt-dástúr sabaqtastyǵy, dinı túsinistik pen rýhanı biregeılik máselesi», «Qazaqstandaǵy folklortaný arab fılologııasy jáne ıslamtaný, dintaný máseleleri», «Qazaqstan men Mysyr Arab Respýblıkasy arasyndaǵy ǵylym-bilim jáne tarıhı, dinı, mádenı baılanystar» sektsııalary jumys isteıdi.