ALMATYDAǴY ZILZALADAN SOŃ MEShITTERDE QURBANDYQ ShALYNDY

Búgin Almaty Ortalyq meshitinen bastap, qaladaǵy aýdandyq meshitterde jer silkinisine baılanysty qurbandyq shalyndy.

Atap aıtqanda Medeý, Áýezov, Túrksib aýdandary men Naýryzbaı, Bostandyq, Jetisý, Alataý, Almaly aýdandaryndaǵy ortalyq meshitterinde qurbandyq maly shalynyp, meshitke jınalǵan jamaǵatpen birge zilzala men tabıǵı apattardan saqtaný úshin duǵalar oqylyp jatyr. Sondaı-aq, keshe túndegi jer silkinisinen úreılenip, úılerin tastap kóshege shyqqan qala turǵyndaryna qaladaǵy barlyq meshitter esikterin ashyp, jurtshylyqty panalatty. 

Keshe Almaty qalasynda qýatty jer silkinisi oryn aldy. Almaty qalasy tótenshe jaǵdaılar departamenti adam shyǵyny men qıraǵan ǵımarattar jaıly aqparat túspegenin málimdedi.

«Tótenshe jaǵdaılar mınıstrligine qarasty «STÁK» JShS-nyń seısmıkalyq stansalar jelisi Almaty ýaqytymen 23 qańtar kúni 00 saǵat 09 mınýtta jer silkinisin tirkedi. Jerasty dúmpýi Almatydan ońtústik-shyǵysqa qaraı 264 shaqyrym jerde, Qazaqstan men Qyrǵyzstan shekarasy aýmaǵynda boldy. Energetıkalyq sanaty – 15.1. MPV terbelisi – 6.7. Tereńdigi – 65 km. Jer silkinisi Almatyda 5 ball deńgeıinde (MSK-64 shkalasy boıynsha) sezildi», - delingen aqparat kózderinde. 

​