«ANALAR – ASYL JANDAR»: Astana ókildiginiń áıel ustazdaryna qurmet kórsetildi (FOTO)

Kóńilderge shýaq sebe kelgen kóktemniń alǵashqy kúnin alǵys aıtýmen bastaǵan Astana qalasy ókildigi izgi sharany apta sońyna deıin jalǵastyrdy. Qala bas ımamy Erbolat Nuryldauly bastaǵan ókildik qyzmetkerleri 1 naýryz kúni Tótenshe jaǵdaılar departamentiniń qutqarýshylar tobyna alǵys aıtyp, alqaly jıynyna qatyssa, keshe Astana stýdentter alıansynyń 30 shákirtine tegin Ekskýrsııa uıymdastyryp ári Ulttyq mýzeı ujymyn quttyqtap qaıtqan bolatyn.

Búgin osy saýapty qadamnyń jalǵasy retinde «Áziret Sultan» meshitiniń áıel jamaǵatyna arnalǵan «Analar – asyl jandar» atty shara uıymdastyrylyp, aqjaýlyqty apa-ájelerimizge qurmet kórsetildi. Meshit meıramhanasynda 70 adamǵa merekelik dastarhan jaıylyp, dinı saýat ashý kýrsynyń shákirtteri, tazalyqshylar toby men muqtaj otbasylar shaqyryldy.Kesh barysynda shákirtter toby óleń-jyrdan shashý shashyp, Astana ókildigi Áıel-qyzdar sektorynyń jumysy jaıly, ana qadiri týraly beınerolıkter kórsetildi.

Shara aıasynda qala bas ımamy Erbolat Júsipov quttyqtaý lebizin bildirip, áıel ustazdarǵa alǵys bildirdi. Bıylǵy oqý jylynda ókildik boıynsha áıel shákirtterdiń sany arta túskenin atap ótken Bas ımam ustazdarǵa arnaıy syı-sııapat tabystady. Aldy seksennen asyp, toqsanǵa taıaǵan shákirt ájeler de ustazdar qaýymyna, meshit ujymyna alǵystaryn aıtyp, aq batalaryn jaýdyrdy.

Sýretter toptamasyn «FOTOGALEREIa» aıdarynan kóre alasyzdar!