«AQ MESHIT» MEShITINDE 26 ÁIEL ShÁKIRT QURANǴA TÚSTI (FOTO)
QMDB Astana qalasy ókildigine qarasty «Aq meshit» meshitinde 26 qyz-kelinshek Quranǵa túsip, dáristerdiń alǵashqy legin aıaqtady.
Osyǵan oraı Áıel-qyzdar sektorynyń uıymdastyrýymen shákirtterdi marapattaý rásimi ótip, arnaıy alys hattar men Quran Kárim kitaby syıǵa tartyldy. Is-sharaǵa Astana qalasy Áıel-qyzdar sektorynyń jetekshisi Kúlsara Mamyrqyzy qatysyp, shákirtterge izgi tilegin bildirdi. Quran oqýdyń artyqshylyǵy men saýaby jaıly aıtyp, shákirtterdi ári qaraı da bilimin jalǵastyrýǵa úndedi.
Aıta ketsek, Quran úırený – musylman úshin eń abzal isterdiń biri. Alla elshisi ﷺ: «Senderdiń eń jaqsylaryń – Qurandy úırenip, ony ózgege úıretkenderiń» degen. Sondyqtan mundaı dárister áıel jamaǵattyń rýhanı damýyna, júrekterdiń nurlanýyna jáne otbasyndaǵy ımandylyqtyń artýyna úlken yqpal etedi.
