«AQ MESHIT» MEShITINDE «OTBASYLYQ TÁRBIE JÁNE ADAL QOǴAM» TAQYRYBYNDA SEMINAR ÓTTI
QMDB-nyń «Dástúr jáne otbasy» baǵyty aıasynda Astanadaǵy «AQ MESHIT» meshitinde «Otbasylyq tárbıe jáne adal qoǵam» taqyrybynda semınar ótti.
Basqosýǵa «Áziret Sultan» meshitiniń naıb ımamy Abdýlahad Smanov, «AQ MESHIT» meshitiniń bas ımamy Dáýren Muhametrahımuly jáne naıb ımamdar Arman Ádilbekuly men Rashıd Abdýalıuly qatysty.
Semınar barysynda otbasy tárbıesiniń qoǵam qalyptastyrýdaǵy orny, urpaq tárbıesindegi ulttyq jáne dinı qundylyqtardyń sabaqtastyǵy, sondaı-aq adaldyq pen jaýapkershiliktiń mańyzy talqylandy. Qatysýshylar otbasydaǵy tárbıe men ózara syılastyqtyń berekeli qoǵamnyń negizi ekenin atap ótti.
Jıynnyń maqsaty – otbasylyq qundylyqtardy dáripteý, ulttyq dástúr men ıslam tálimin ushtastyrý jáne qoǵamda adaldyq qaǵıdattaryn nyǵaıtýǵa baǵyttalǵan jumystardy jandandyrý.
Jıyn sońynda meshit aqsaqaldary elimizdegi árbir otbasyǵa amandyq, tynyshtyq pen bereke tilep, eldiń birligi men urpaqtyń bolashaǵyna duǵa jasap, bata berdi.
