Aqtaýda Aqsaqaldar forýmy bastaldy (FOTO)
Búgin Aqtaý qalasynda Qazaqstan musylmandary dinı basqarmasynyń uıymdastyrýymen «QARIIaLYQ – DANALYQ PEN ÓMIR TÁJIRIBESINIŃ QAINAR KÓZI» taqyrybyndaǵy Qazaqstannyń batys óńiri aqsaqaldary forýmy bastaldy.
Jıyn Quran aıattaryn oqýmen bastalyp, QMDB-nyń 2022 jyly atqarǵan jumystary men alǵa qoıǵan josparlary jaıly arnaıy daıyndalǵan beınerolık kórsetildi.
Aqsaqaldar forýmynda QMDB Tóraǵasy, Bas múftı Naýryzbaı qajy Taǵanuly, Mańǵystaý oblysynyń ákimi Nurlan Noǵaev, «Ardagerler uıymy» respýblıkalyq qoǵamdyq birlestigi tóraǵasynyń orynbasary Ómirzaq Ozǵanbaıuly, memleket jáne qoǵam qaıratkeri Amangeldi Aıtaly jáne QMDB Aqsaqaldar keńesiniń músheleri men Qazaqstannyń batys óńiri aqsaqaldary qatysyp, baıandama jasamaq.
Aıta keteıik, jyl basynda QMDB janynan Aqsaqaldar keńesi qurylyp, elordamyzda memleket jáne qoǵam qaıratkerleri, zııaly qaýym ókilderi, ardager ımam-ustazdardyń qatysýymen «Qarııalar – el qazynasy» taqyrybynda I respýblıkalyq aqsaqaldar forýmy ótti. Endi mine osy úrdis oblystarda jalǵasyn taýyp otyr.
