AQTÓBEDE DÁSTÚRLI ISLAMǴA ARNALǴAN KONFERENTsIIa ÓTTI (FOTO)

Aqtóbe qalasynda «Qazaq rýhanııatyndaǵy dástúrli Islamnyń orny» respýblıkalyq ǵylymı-tanymdyq konferentsııasy ótti.

Jıyn qasıetti Quran aıattaryn oqýmen bastalyp, arnaıy beınerolık kórsetildi. Konferentsııaǵa QMDB Tóraǵasy, Bas múftı Naýryzbaı qajy Taǵanuly, Aqtóbe oblysy ákiminiń orynbasary Bulbul Eleýsinova, Nur-Múbarak ýnıversıtetiniń prorektory, PhD doktor Qaırat Qurmanbaev, «Aqtóbe» medrese-kolledjiniń dırektory, RANT múshesi Ábdimútáli Dáýrenbekov, QMDB Ǵulamalar keńesiniń múshesi Ersin Ámire, basqa da ǵalymdar qatysty.

Jıynda din men dástúr sabaqtastyǵy, Islam men zaıyrly memleket uǵymy, destrýktıvti dinı aǵymdardyń qoǵamǵa teris áseri, dinı ońaltý salasyndaǵy tıimdi ádister, dinı mamandar daıyndaýdyń mańyzy sekildi máseleler boıynsha baıandama jasaldy. Jıyndy QMDB «Din men dástúr» bóliminiń meńgerýshisi Nurbek Esmaǵanbet júrgizdi.