Aqtóbede «MUNARA TV» telearnasynyń fılıaly ashyldy (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly Aqtóbe oblysyna barǵan saparynda «MUNARA TV» telearnasynyń osy óńirdegi fılıalynyń ashylý rásimine qatysty.
«Ózderińizge belgili, múftııattyń tól telearnasy «MUNARA TV» arnasy búginde halyqqa rýhanı teleónimderdi usynyp, ǵıbratty baǵdarlamalardy kórsetýde. Tól telearnamyzdyń jumys aýqymyn ulǵaıtý maqsatynda Aqtóbe qalasynan fılıalyn ashyp otyrmyz. Bul bólimshede ázirlengen telejobalar halqymyzdyń rýhanı ómirine oń yqpal etedi degen senimdemin», – dep atap ótti Naýryzbaı qajy Taǵanuly.
Bas múftı stýdııa jumysymen tanysyp, ujym qyzmetine sáttilik tiledi.
