Arafatta turǵan qajylar bir mezette duǵa tiledi (FOTO)

Qazaqstan musylmandary dinı basqarmasy Mekkedegi Arafat aımaǵynda «Bir mezette – bir nıet» duǵa tileý sharasyn ótkizdi. Is-sharaǵa bes paryzynyń birin óteý úshin Arafatta turǵan qazaqstandyq qajylar qatysty.

Is-shara barysynda Qazaqstan qajylyq mıssııasynyń tóraǵasy, naıb múftı Ershat qajy Ońǵar qutpa oqyp, elimizdiń amandyǵy men halqymyzdyń tynyshtyǵy úshin duǵa tiledi. Jaratýshy Iemizden ul-qyzdarymyzdyń ımandy, ıbaly, ınabatty bolýyn surady.

«Ýa, Jaratqan Iem, bizdiń janymyz ben tánimizdi jamandyqtan saqta! Qazaq halqynyń, kúlli musylman úmbetiniń eki dúnıede abyroıyn arttyryp, mereıin ústem etkeısiń. Jer betinde zulymdyqqa ushyraǵan musylman qaýymyńa Óziń járdem  bergeısiń», - dedi ol.

Sondaı-aq ımam-ustazdar salıqaly ýaǵyz aıtyp, salmaqty duǵa tiledi. Is-shara sońynda halqymyzdyń bolashaǵy jolynda sheıit bolǵan tulǵalardyń rýhyna qasıetti Quran aıattary baǵyshtaldy.