Astana Din isteri basqarmasynyń basshysy qala bas ımamyn quttyqtady

Astana qalasy Din isteri basqarmasynyń basshysy Qaırolla Kóshqalıev «Áziret Sultan» meshitine arnaıy at basyn buryp, Astana qalasynyń bas ımamy bolyp taǵaıyndalǵan Nurbek Áýeshanulyn jańa qyzmetimen quttyqtady.

Kezdesý barysynda elordanyń rýhanı ahýaly, dinı turaqtylyqty nyǵaıtý, jastar tárbıesi jáne din men dástúr sabaqtastyǵyn dáripteý baǵytyndaǵy ortaq jumystar sóz boldy.

Sondaı-aq elorda ımamdary men Astana qalasy Din isteri basqarmasy arasyndaǵy ózara yntymaqtastyqtyń mańyzyn atap ótip, aldaǵy ýaqytta birlesken rýhanı-aǵartýshylyq jobalardy jalǵastyrýǵa nıetti ekenderin jetkizdi.

Qaırolla Dúıseshuly Nurbek Áýeshanulyna jaýapty qyzmette tabys tilep, el ıgiligi jolyndaǵy jumysyna sáttilik bildirdi. Óz kezeginde qala bas ımamy kórsetilgen yqylas pen qoldaý úshin alǵysyn aıtyp, qoǵam birligi men rýhanı qundylyqtardy nasıhattaý jolyndaǵy jumystardyń aldaǵy ýaqytta da jalǵasatynyn atap ótti.

Источник: Aidos