ASTANA IMAMDARYNA «PÁTÝALAR JINAǴYNYŃ» TÓRTINShI KITABY TANYSTYRYLDY (FOTO)

«Áziret Sultan» meshitinde Qazaqstan musylmandary dinı basqarmasynyń «Muftyat» baspasynan jaryqqa shyqqan «Pátýalar jınaǵy» kitabynyń tórtinshi tomdyǵy Astana ımamdaryna tanystyryldy.

«Áziret Sultan» meshitiniń naıb ımamy Temirlan Darhanuly atalmysh eńbektiń mazmunyn tanystyryp, ishindegi birqatar pátýalardy ımamdarǵa egjeı-tegjeıli túsindirip ótti. Jıyn sońynda kitap ımam, ustazdarǵa úlestirildi.

Aıta ketsek, kitapta qoǵamdaǵy musylmandyq ustanymǵa qatysty týyndap otyrǵan kókeıkesti dinı máseleler jan-jaqty talqylanyp, sharıǵat negizderine súıene otyryp, sheshimi jınaqtalǵan. Eńbek din qyzmetindegi ımamdarǵa, ımandylyq jolynda tálim alýshy shákirtterge, sondaı-aq jalpy musylman qaýymǵa arnalǵan.

Mádenıet jáne aqparat mınıstrliginiń Din isteri komıteti Dintaný saraptamasynyń oń qorytyndysy berilgen jáne QMDB Saraptaý komıssııasy maquldaǵan pátýlar jınaǵy jamaǵat suraǵyna tushymdy jaýap beretini sózsiz.

Источник: Aidos