«Astana» medrese kolledjine jańa dırektor taǵaıyndaldy (FOTO)
Búgin Elordamyzdaǵy «Astana» medrese kolledjine jańa basshy taǵaıyndaldy. QMDB tóraǵasynyń birinshi orynbasary, naıb múftı Naýryzbaı qajy Taǵanuly medrese ujymymen kezdesip, jańa basshy Smataev Ibragım Keldibaıulyn tanystyryp ótti. Eńbek jolyn Aqmola óńirindegi aýyldyq meshitterden bastap, Astana qalasynyń meshitterinde, «Zeket» qorynyń Astana ókildiginde jemisti túrde jalǵastyrǵan Ibragım Keldibaıulynyń jańa qyzmetine sáttilik tilep, kópshilikti Bas múftı buıryǵymen tanystyrdy.
Búginde bilim kógine segizinshi márte túlekterin ushyrǵaly otyrǵan «Astana» medrese kolledjine basshylyq jasaý – saýabymen qatar jaýapkershiligi de ushan-teńiz mindet, eldiń keleshegi aldyndaǵy amanat atap ótken Naýryzbaı qajy Taǵanuly ustazdar ujymyna da óz alǵysyn bildirip, bilim jolyndaǵy jańa jetistikterdi baǵyndyrýǵa shaqyrdy. Ilim izdegen shákirtterge 2007 jyly aıqara ashylǵan biregeı bilim ordasyna 2016 jyly kolledj mártebesi berilgen bolatyn. Dinı oqý ordasyndaǵy bilim júıesi men biliktilikti barynsha damytyp, ujymdasa jemisti eńbek atqarýǵa úndedi. «Astana» medrese kolledjiniń burynǵy dırektory Bekzat Aqjigitovke osy jyldar ishinde atqarǵan qarymdy qyzmeti úshin izgi tilegin bildirip, basqa qyzmetke aýysýyna oraı jańa qyzmettik tabystar tiledi.
Smataev Ibragım Keldibaıuly 1989-1991 jyldary Astana meshitinde dinı saýat ashyp, 1992-1996 jyldary Túrkııadaǵy «Imam hatıb» medrsesinde támamdaǵan. 2015-2018 j.j Reseıdiń Qazan qalasyndaǵy Islam ýnıversıtetinde «Dintaný» mamandyǵy boıynsha bilim alǵan.
1991-1992 j.j Aqmola oblysy, Izobılnoe aýylynyń Bas ımamy, 1996 – 2005 j.j Aqmola oblysy, Arshaly aýdanynyń Bas ımamy, 2005-2006 j.j Aqmola oblysy Ortalyq meshitiniń is-basqarýshysy, 2006-2015 j.j Astana qalasy «Tólebaı» meshitiń Bas ımamy, 2015-2017 j.j «Nur Astana» ortalyq meshitiniń is-basqarýshysy, 2017 jyldan osy ýaqytqa deıin QMDB-nyń «Zeket» Korporatıvtik qorynyń Astana qalasy boıynsha ókildiginiń dırektory qyzmetin abyroımen atqaryp keldi.
Sýretterdi «FOTOGALEREIa» aıdarynan kóre alasyzdar!
