«Astana» medrese-kolledjiniń shákirtteri arasynda Quran jarysy ótti (FOTO)

Keshe «Astana» medrese-kolledjiniń shákirtteri arasynda Quran Kárimdi jatqa jáne mánerlep oqý boıynsha jarys bolyp ótti.

Qasıetti kitapty oqý – eń uly ǵıbadattardyń biri. Paıǵambarymyz (s.ǵ.s.): «Quran oqyńdar! Ol Qııamet kúni ıesine shapaǵat etedi», - dep, basqa paıǵambarlarǵa berilmegen shapaǵatty Quran ıelenetinin bildirgen. Sondyqtan da keshegi ótken Quran jarysy – shákirtter biliktiliginiń bir ólshemi bolyp tabylmaq.

Jarystyń bastalý rásimine «Áziret sultan» Respýblıkalyq bas meshitiniń birinshi naıb ımamy Qanat qajy Qydyrmın arnaıy qatysyp, quttyqtaý sóz sóıledi. QMDB tóraǵasynyń birinshi orynbasary, naıb múftı, Astana qalasynyń jáne «Áziret Sultan» meshitiniń bas ımamy Naýryzbaı qajy Taǵanulynyń sálemin jetkizip, is-sharanyń mán-mańyzyna toqtalyp, jarysqa qatysýshy úmitkerlerge sáttilik tiledi.

Aıtýly bilim saıysyna «Qaýam ad-Dın ál-Itqonı ál-Farabı at-Túrkistanı» respýblıkalyq qarılar daıarlaý ortalyǵynyń dırektory Sádýaqas qarı Oljabaıuly, «Astana» medrese-kolledjiniń ustazy Alı qarı Abdýssamıǵ Alı, «Nur Astana» meshitiniń naıb ımamy Ádilhan Imanáliuly syndy tanymal qarılar qazylyq jasady.

Shákirtter «29-30-para», «29-para» atalymdary boıynsha jatqa oqýdan óz biliktilikterin synasa, «Mánerlep oqý» atalymy  boıynsha qatysýshylar Quran Kárimdi mánerlep oqyp ózderiniń qarym-qabyletin synǵa saldyq. Ádilqazylar shákirtterdiń qyraǵaty men oqý máneri, durys dybystaý, t.b. tehnıkalyq sheberlikterine jiti nazar aýdardy. Nátıjesinde, júzden júırik shyqqan shákirtterge arnaıy dıplomdar men qarjylaı syılyqtar berildi. Al, «29-30 para» atalymy boıynsha úzdik shyqqan Erjan Baqdáýlet Baıdýllaulyna kishi qajylyqqa joldama berildi.

 «29-30-para» atalymy boıynsha:

Bas júlde: Erjan Baqdáýlet Baıdýllauly – Ýmra qajylyǵy
2-oryn: Haırıdın Nurbergen Amangeldiuly – 70 000 tg
3-oryn: Nýgýman Eraly – 50 000 tg

«30-para» atalymy boıynsha:

1-oryn: Tileýov Jandos Kanatbekovıch –  40 000 tg
2-oryn: Eshimov Danııar Janbolatuly – 30 000 tg
3-oryn: Ótáli Azamat Qanııazuly– 20 000 tg

«Mánerlep oqý» atalymy boıynsha:

1-oryn: Erkinbek Musabek Mádáliuly – 20 000 tg
2-oryn: Shomanov Almas Temirtaýuly – 15 000 tg
3-oryn: Saparbek Jalǵasbek Jumahanuly – 10 000 tg

Sýretterdi «FOTOGALEREIa» aıdarynan kóre alasyzdar!