ASTANA MEShITTERINIŃ ShÁKIRTTERI ARASYNDA «DIN MEN DÁSTÚR» KITABY BOIYNShA SAIYS ÓTTI

22 qarasha 2026 179 0
Оqý rejımi

Astana qalasynda Qazaqstan musylmandary dinı basqarmasy tarapynan jaryq kórgen «Din men dástúr» kitabynyń I, II jáne III tomdary boıynsha meshit shákirtteri arasynda bilim saıysy ótti.

Rýhanı-tanymdyq saıysqa elordadaǵy 15 meshitten bir-bir shákirtten qatysyp, ózara bilim synasty. Úsh kezeńnen turǵan jarysta qatysýshylar kitap mazmunyna qatysty suraqtarǵa jaýap berip, dinı tanymdary men ulttyq qundylyqtar jónindegi bilimderin ortaǵa saldy.

Is-sharaǵa Astana qalasynyń Bas ımamy Nurbek qajy Áýeshanuly bastaǵan din qyzmetkerleri jáne Din men dástúr bóliminiń meńgerýshisi Marat Dálelhanuly qatysyp, saıysqa ádilqazylyq etti.

Jıyn barysynda qala bas ımamy QMDB Tóraǵasy, Bas múftı Naýryzbaı qajy Taǵanulynyń sálemin jetkizip, din men dástúr baǵytyna erekshe qoldaý kórsetilip kele jatqanyn atap ótti. Sondaı-aq ulttyq qundylyqtardy dáripteý, ata-babadan amanat bolyp jetken salt-dástúrlerdi saqtaý jáne ony óskeleń urpaqtyń boıyna sińirýdiń mańyzdylyǵyna toqtaldy.

Aıta keteıik, QMDB-nyń «MUFTIYAT» baspasynan jaryq kórgen «Din men dástúr» jınaǵynyń úsh tomynda ıslam dini men qazaq halqynyń salt-dástúrleri arasyndaǵy sabaqtastyq keńinen qamtylǵan. Kitaptyń negizgi maqsaty – ulttyq ádet-ǵuryptardyń ımanı negizderin tanytyp, din men dástúrdiń úılesimin nasıhattaý.

Saıys qorytyndysy boıynsha júldeli oryn ıegerlerine aqshalaı syılyqtar tabystaldy.

I oryn – «Ás-Salam» meshitiniń shákirti;

II oryn – «Ál-Ǵanı» meshitiniń shákirti;

III oryn – «Sádýaqas qajy Ǵylmanı» meshitiniń shákirti.

Источник: Aisha

Pіkіrler Kіrý