«Astana - meıirimdi qala» jobasy jalǵasý ústinde (FOTO+VIDEO)

06 aqpan 2019 7616 0
Оqý rejımi

Arqanyń saryshunaq aıazy Astana qalasyn tońdyryp turǵanyna búgin birneshe kún boldy. Uıtqı soqqan qarly boran men saqyldaǵan sary aıaz shahar tirshiligin saıabyrsytyp, qys qaharyn tanytyp-aq tur. Jurttyń jyly úıinen shyqqysy kelmegenimen, kúndelikti tirliktiń kúıbeńi taýsylatyn ba edi?!

Osy oraıda QMDB Astana qalasy ókildiginiń bastamasymen iske qosylǵan «Astana – meıirimdi qala» jobasy aıasynda qala turǵyndaryna tegin taksı qyzmeti usynylyp, qaqaǵan aıazǵa qaramaı qoǵamdyq jumystardy jalǵastyryp júrgenderge ystyq tamaq taratý isteri jolǵa qoıylyp otyr. QMDB tóraǵasynyń birinshi orynbasary, naıb múftı Naýryzbaı qajy Taǵanulynyń tapsyrmasy negizinde atalmysh joba Astana qalasynyń barlyq meshitterinde bastaý alyp, aıazdy kúnder aıaqtalǵansha jalǵasatyn bolmaq.

Aıta keteıik, termometr tilshigi tym tómendep ketken osy kúnder ishinde atalmysh joba aıasynda jalpy sany 150-den astam jolaýshy úılerine tegin jetkizilip, 120 jumysshyǵa ystyq tamaq taratylǵan. Bet qaryǵan borandy kúnderi jan jylýymen bólisip, janashyrlyqtyń jarqyn úlgisine aınalǵan joba apta sońyna deıin júrgiziledi.

 Aıta keteıik, QMDB-nyń Astana qalasy boıynsha ókildiginiń bastamasymen iske qosylǵan «Astana – meıirimdi qala» jobasy buǵan deıin birneshe márte uıymdastyrylǵan bolatyn. Jamaǵatty jumyldyrý arqasynda aıazdy kúnderi tegin taksı qyzmeti qosylyp, meshit qyzmetkerleri kóshe aralap, jumysshylarǵa ystyq tamaq taratqan bolatyn.

Sýretterdi «FOTOGALEREIa» aıdarynan kóre alasyzdar!

Pіkіrler Kіrý