«Astana – meıirimdi qala» jobasyn jandandyrý tapsyryldy (FOTO)

Búgin respýblıkalyq «Áziret Sultan» meshitinde QMDB tóraǵasynyń birinshi orynbasary, naıb múftı Naýryzbaı qajy Taǵanulynyń tóraǵalyǵymen ótken jınalys barysynda «Astana – meıirimdi qala» jobasyn jandandyrý jumystary tapsyryldy.

Osy apta ishinde Astana qalasynda aýa-raıy kúrt sýytyp, termometr tilshigi tym tómendep ketetini belgili bolyp otyr. Aldyn ala dabyl qaqqan aýa raıyn zertteýshileri bul kúnderi asa muqııat bolýdy eskertýde.

Tabıǵattyń bul tosyn minezine oraı naıb múftı Naýryzbaı qajy Taǵanuly «Astana – meıirimdi qala» jobasyn jandandyra túsýdi naqtylady. Qala meshitteriniń uıymdastyrýymen bul kúnderi tegin taksı qyzmetin oraılastyryp, shahar kóshelerindegi qoǵamdyq jumysshylarǵa ystyq taǵam taratý jumystary josparlandy.

Aıta keteıik, Astana qalasy ókildiginiń bastamasymen iske qosylǵan «Astana – meıirimdi qala» jobasy buǵan deıin birneshe márte uıymdastyrylǵan bolatyn. Jamaǵatty jumyldyrý arqasynda aıazdy kúnderi tegin taksı qyzmeti qosylyp, meshit qyzmetkerleri kóshe aralap, jumysshylarǵa ystyq tamaq taratqan bolatyn.