ASTANA ÓKILDIGI: «JASTAR ISI» SEKTORY PETROPAVLǴA GÝMANITARLYQ KÓMEK JIBERDI (FOTO)

Qazaqstan musylmandary dinı basqarmasy Astana qalasy ókildiginiń «Jastar isi» sektory elimizdiń sý basqan aımaqtarynyń biri Petropavl óńirine gýmanıtarlyq júk kóligin jiberdi.

Igi sharaǵa Astana qalasynyń ókili, «Áziret Sultan» meshitiniń bas ımamy Erbolat Júsipov jáne QMDB «Jastar isi» sektorynyń meńgerýshisi Baǵjan Kúzekbaı, Astana qalasy «Jastar isi» sektorynyń jetekshisi Rahymjan Talǵatuly men belsendi jastar qatysty.

 Igi sharada qala bas ımamy Erbolat Nuryldauly:

«Assalaýmaǵaleıkúm, qurmetti qazaq eli! QMDB tóraǵasy, Bas múftı Naýryzbaı qajy Taǵanuly haziretimiz «Qıyndyqta el birge» atty úlken jobany qolǵa alǵan bolatyn. Allaǵa shúkir, búgin osy joba Astana qalasynda jalǵasyn tabýda. Astana qalasy ókildiginiń «Jastar isi» sektory búgin Petropavl óńirine gýmanıtarlyq kómek jiberýde. Osy sharaǵa atsalysqan barsha jandarǵa Alla eki dúnıeniń jaqsylyǵyn bersin!», dep izgi tilegin bildirdi.

Aıta ketsek, Astana qalasy ókildiginen elimizdiń sý tasqynynan zardap shekken aımaqtaryna gýmanıtarlyq kómek fýralary úzdiksiz jóneltilip keledi.

Sýretterdi «FOTOGALEREIa» aıdarynan kóre alasyzdar!

Источник: Aidos