ASTANA ÓKILDIGINIŃ «TURAN» KOMANDASY FÝTBOL TÝRNIRINIŃ JEŃIMPAZY BOLDY (FOTO)

Astanada otandyq fýtbol tarıhynda alǵash ret dinı konfessııalar arasyndaǵy Qazaqstan fýtbol federatsııasynyń «Dostyq» kýbogy ótti. Elordalyq fýtbol úıinde ótken aıtýly is-sharany ÝEFA-nyń qoldaýymen QFF-nyń uıymdastyrdy.

 Is - shara birden eki erekshe kúnge – QR Táýelsizdik kúnine jáne otandyq fýtboldyń 110 jyldyǵyna oraılastyryldy.

Týrnırge segiz dinı konfessııa atynan 12 komanda qatysty. 

Týrnırdiń ashylý saltanatyna QFF prezıdenti Ádilet Barmenqulov, Dinderdi zertteý ortalyǵynyń dırektory Almas Ernazarov, Astana qalasynyń bas ımamy Erbolat Júsipov, Astanadaǵy Áýlıe Marııa Arhıeparhııasynyń arhıepıskop-mıtropolıti Tomash PEta, evangelııalyq Qazaqstan senimi hrıstıandary shirkeýleri Odaǵynyń Óńirlik úılestirýshisi Sergeı Kan qatysyp, izgi tilekterin bildirdi.

Elorda bas ımamy Erbolat Júsipov sportpen shuǵyldanýdyń mańyzdylyǵyn atap ótip, QFF-ǵa alǵysyn bildirip: «Fýtbol-álemdegi eń tanymal oıyndardyń biri. Ózderińiz biletindeı, ıslamda densaýlyǵyńyzǵa nazar aýdarý úlken ǵıbadat bolyp tabylady. Sondyqtan barlyq qatysýshylarǵa jeńis pen sáttilik tileımin!» – dedi.

Komandalar tórt komandadan turatyn úsh topqa bólindi. Aldymen olar bir-birimen toptyq júıede oınady, sodan keıin fınalǵa úsh úzdik komanda shyǵyp, nátıjesinde QMDB, Astana qalasy ókildiginiń «Turan» komandasy jeńis tuǵyryna kóterildi.

Chempıondar men júldegerler baǵaly syılyqtar men medaldarǵa ıe boldy.