ASTANA ÓKILDIGINIŃ «ÝAQYP» QORY QURAN JATTAÝ ORTALYǴYNA AZYQ-TÚLIK TABYSTADY (FOTO)
QMDB «Ýaqyp» qorynyń dinı oqý oryndaryn qoldaý bastamasyna sáıkes, Astana qalasy ókildigi 1 qyrkúıek – Bilim kúnine oraı elordadaǵy Hýsamýddın As-Syǵanaqı Quran jattaý ortalyǵyna azyq-túlik tabystady.
Jomart jandardyń demeýshiligimen júzege asqan ıgi iske QMDB «Ýaqyp» qorynyń Astana qalasy boıynsha jaýapty mamany Nurbol Orazbaı, ustazdar jáne meshit eriktileri atsalysty.
Uıymdastyrýshylar jas qarılardyń Quran ilimin tabandylyqpen meńgerip, elge ımandy, tárbıeli azamat bolyp ósýine tilektestigin bildirdi. Sondaı-aq aldaǵy ýaqytta da QMDB «Ýaqyp» qorynyń basshylyǵymen dinı oqý oryndaryna júıeli túrde qoldaý kórsetilip, jastardyń sapaly bilim alyp, qoǵamǵa paıdaly tulǵa bolyp qalyptasýyna jaǵdaı jasalatyny jetkizildi.
