ASTANA QALASY ÁIEL-QYZDAR SEKTORYNYŃ JOSPARLY JIYNY ÓTTI (FOTO)
Astana qalasy ókildigi Áıel-qyzdar sektorynyń ustazdarǵa arnalǵan kezekti josparly jıyny ótti.
Basqosýdy «Áziret Sultan» meshitiniń ustazy, Astana qalasy Áıel-qyzdar sektorynyń jetekshisi Kúlsara Beket júrgizdi. Jıynǵa qala meshitterinde qyzmet etip júrgen áıel ustazdar qatysyp, jyl basyndaǵy josparǵa saı jumystar pysyqtaldy.
Sondaı-aq, aldaǵy ýaqytta júzege asatyn baǵyttar talqylandy. Onyń ishinde Quran úıirmelerin damytý, shákirtterge arnalǵan semınar-trenıngter ótkizý, qaıyrymdylyq sharalaryn jalǵastyrý jáne qyz-kelinshekterge arnalǵan rýhanı-tanymdyq baǵdarlamalardy júıeli túrde uıymdastyrý máseleleri qaraldy.
Sonymen qatar, áıel ustazdar úshin kásibı biliktilikti arttyrý kýrstaryn ótkizý, jańa ádistemelik quraldardy daıyndaý jáne QMDB-nyń resmı aqparattyq-aǵartýshylyq jobalaryna belsene qatysý josparlandy.
Jıyn sońynda qatysýshylar oı-pikirlerin ortaǵa salyp, usynystaryn bildirdi. Áıel-qyzdar sektorynyń jumysyn jandandyrý, bir-birimen tájirıbe almasý, jańa jobalardy iske asyrý jaıynda keńinen sóz boldy.
