ASTANA QALASY DIN QYZMETKERLERINIŃ KEZEKTI RESPÝBLIKALYQ ATTESTATTAÝY ÓTTI (FOTO)

Elordadaǵy Respýblıkalyq bas meshitte Astana qalasy din qyzmetkerleriniń kezekti respýblıkalyq attestattaýy ótti.

Attestattaý sharasyna Qazaqstan musylmandary dinı basqarmasy Tóraǵasynyń orynbasary, naıb múftı, komıssııa tóraǵasy Kenjetaı Baıkemeluly qatysyp, ımamdarǵa Bas múftı Naýryzbaı qajy Taǵanulynyń sálemin jetkizdi. Sondaı-aq attestattaýdyń din qyzmetkerleriniń bilimin jetildirý men kásibı jaýapkershiligin arttyrýdaǵy mańyzyna toqtaldy.

Komıssııa quramynda Bas múftı keńesshisi Smaıyl Súıerqululy, Dinı bilim jáne kadr daıyndaý bóliminiń meńgerýshisi Hasan Amanqulov, Din isteri jáne taldaý bóliminiń meńgerýshisi Asan Tileýberdıev, sondaı-aq Sharıǵat jáne pátýa bóliminiń mamany Medet Qursaqov boldy.

Attestattaý barysynda din qyzmetkerleri aldymen kompıýterlik test arqyly aqıda, fıqh, Islam tarıhy jáne qoldanystaǵy zańnama boıynsha bilimderin synady. Budan keıin suhbattasý kezeńinde qyraǵat, tájýıd, hadıs, din men dástúr jáne QMDB-nyń kontseptýaldy qujattary boıynsha suraqtarǵa jaýap berdi.

Aıta keteıik, attestattaý A, V jáne S sanattary boıynsha ótkizildi. Jalpy atalǵan emtıhanǵa Astana qalasynan 109 din qyzmetkeri qatysty.