ASTANA QALASY MEShITTERINIŃ RAMAZANǴA DAIYNDYǴY PYSYQTALDY (FOTO)

«Áziret Sultan» meshitinde Astana qalasynyń bas ımamy Erbolat Júsipovtyń basshylyǵymen ókildikke qarasty meshit ımamdarynyń semınar jıyny bolyp ótti.

Basqosý barysynda qasıetti Ramazan aıyna daıyndyq jumystary pysyqtalyp, qala ımamdaryna naqty tapsyrmalar júkteldi.

Ókil ımam qaladaǵy qulshylyq ordalarynyń Ramazanǵa daıyndyq jumystarymen jekeleı tanysyp, saýapty da jaýapty merzimge saqadaı saı bolýyn tapsyrdy. Kún tártibindegi árbir másele boıynsha jalpy jospar qurylyp, jaýapty qyzmetkerler bekitildi. Taraýıh namazdarynyń tártibi men qarılar daıyndyǵy, aı boıy uıymdastyrylatyn aýyzashar dastarhandarynyń ázirligi pysyqtalyp, qasıetti aıda qaıyrymdylyq sharalaryn da jandandyra túsýge shaqyrdy. Halyqtyń orazaǵa degen nıetin oıatyp, yqylasyn arttyra túsý maqsatynda aqparattyq kitapshalar men búktemeler, oraza kestelerin ázirleý tapsyryldy.

Aıta keteıik, qasıetti Ramazan aıy bıylǵy jyly 11-naýryzda bastalady. Al sáýir aıynyń 5-nen 6-na qaraǵan túni halqymyz qasıetti Qadir túnin qarsy alatyn bolmaq.  Ulyq merekemiz – Oraza aıty bıyl 10 sáýirge dóp kelip otyr.

Источник: Aidos