ASTANA QALASYNYŃ BAS IMAMY «AQ MESHIT» JAMAǴATYMEN JÚZDESTI (FOTO)
Astana qalasynyń jáne «Áziret Sultan» meshitiniń Bas ımamy Erbolat Júsipov elordadaǵy «Aq meshit» meshitine arnaıy baryp, jamaǵatpen kezdesti.
Kezdesý barysynda bas ımam jamaǵatqa besin ýaǵyzyn júrgizip, taqýalyqtyń máni men danalyqtyń adam ómirindegi ornyna toqtaldy. Sondaı-aq musylmandar arasyndaǵy ózara syılastyq pen yntymaqtyń qoǵam turaqtylyǵyna qosar úlesi jaıynda kórkem nasıhat aıtty.
Erbolat Nuryldauly óz sózinde jamaǵat birliginiń – el amandyǵynyń kepili ekenin atap ótip, árbir musylman qoǵamdaǵy tatýlyq pen izgilikti saqtaýǵa úles qosýy qajettigin jetkizdi.
Jıyn sońynda jamaǵatpen birge besin namazy oqylyp, el tynyshtyǵy men halqymyzdyń amandyǵy úshin duǵa jasaldy. Bas ımam elorda meshitterindegi jamaǵattyń belsendiligine rızashylyǵyn bildirip, meshitke jıi kelip, rýhanı ilim alýdyń mańyzyn da atap ótti.
Источник: Aidos
