ASTANA QALASYNYŃ IMAMDARY «DARHAN DALA» JOBASY AIaSYNDA TÚRKISTANǴA BARDY (FOTO)
Astana qalasynyń Bas ımamy Erbolat Júsipovtiń uıymdastyrýymen elorda ımamdary «Darhan dala» jobasy aıasynda qasıetti Túrkistan óńirine arnaıy sapar jasady. Sapardyń basty maqsaty – rýhanı baılanysty nyǵaıtý, tarıhtan taǵylym alyp, jas din qyzmetkerleriniń tanym kókjıegin keńeıtý.
Túrkistan sapary barysynda elorda ımamdary delegatsııa músheleri aldymen kúlli túrki jurtynyń rýhanı ortalyǵy sanalatyn Qoja Ahmet Iasaýı kesenesine zııarat jasady. Imamdar babalar rýhyna Quran baǵyshtap, qazaq dalasynda Islam dininiń taralýyna súbeli úles qosqan áýlıelerdiń eńbegi men ónegeli ómiri týraly taǵylymdy derekterge qanyqty.
Aıta ketsek, «Darhan dala» jobasy – Qazaqstan musylmandary dinı basqarmasy qolǵa alǵan rýhanı-aǵartýshylyq bastama. Jobanyń negizgi maqsaty – elimizdiń túkpir-túkpirindegi qasıetti oryndarǵa zııarat jasaý arqyly din qyzmetkerleri men jamaǵattyń rýhanı tanymyn arttyrý, ulttyq jáne dinı qundylyqtardy nasıhattaý. Sondaı-aq, joba aıasynda ımamdar arasynda tájirıbe almasý, el birligin nyǵaıtý, tarıhı sanany jańǵyrtý baǵytyndaǵy kezdesýler men taǵylymdy saparlar uıymdastyrylady.
Источник: Aidos
