ASTANADA II HALYQARALYQ QURAN BAIQAÝY BASTALDY
Búgin Astana qalasyndaǵy Respýblıkalyq Bas meshitte II Halyqaralyq quran baıqaýy bastaldy. Rýhanı shara ulttyq mereke - Respýblıka kúni men Qazaqstan musylmandary dinı basqarmasynyń 35 jyldyq mereıtoıyna oraı uıymdastyrylyp otyr.
Qasıetti Quran aıattaryn oqýmen ashylǵan saltanatty rásimde Bas múftı Naýryzbaı qajy Taǵanuly arnaıy duǵa jasady.
«Oqylǵan qasıetti Qurannyń saýabyn ardaqty Paıǵambarymyz Muhammed Mustafanyń ǵazız rýhyna jáne Qazaq dalasynan ótken barsha ata-babalarymyz ben ǵulama-ǵalymdarymyzǵa, asyl dinimizdiń jarshysy bolǵan áýlıelerimizdiń rýhyna baǵyshtadyq. Otanymyzdyń, táýelsiz elimizdiń jolynda sheıit bolǵan barsha asyl babalarymyzdyń rýhtaryna baǵyshtadyq!
Ýa, Alla Taǵala! Marqumdarymyzdy meıirimińe bólep, rýhtaryn shat qylyp, ardaqty Paıǵambarymyzdyń shapaǵatyn násip etip, jandaryn jannattyq ete gór!», – dedi Bas múftı Naýryzbaı qajy Taǵanuly.
Saltanatty ashylý barysynda qazaq jerine Islam dininiń taralý tarıhyna arnalǵan beınerolık kórsetilip, kórermender nazaryna usynyldy.
Halyqaralyq deńgeıdegi bul saıysqa álemniń 21 elinen 22 qarı qatysyp otyr. Baıqaý eki kúnge jalǵasady.
Aıta keteıik, Quran jarysy «Munara TV» telearnasynan jáne «Mýftııat QMDB» YouTube arnasynan tikeleı Efırde kórsetilýde.
Tikeleı Efır siltemesi: https://www.youtube.com/live/ssigiArbBvs
