Astanada «Úlgili otbasy – qoǵam tiregi» atty semınar ótti (FOTO)

19 qyrkúıek 2018 2533 0
Оqý rejımi

Qazaqstan musylmandary dinı basqarmasy bıylǵy jyldy «Islam jáne otbasy» jyly dep jarııalaǵan bolatyn. Atalmysh joba aıasynda «Otbasy kúnine» oraı «Nur Astana» ortalyq meshitiniń uıymdastyrýymen otbasylyq qundylyqtardy nasıhattaýǵa baǵyttalǵan «Úlgili otbasy – qoǵam tiregi» atty semınar ótkizildi.

QMDB-nyń Astana qalasy boıynsha ókili, «Nur Astana» ortalyq meshitiniń Bas ımamy Asqar Muqanov semınardyń ashylý sátinde sóz sóılep, is-sharanyń mańyzy jaıly baıandap berdi.

«Halqymyzda «Otan otbasynan bastalady» degen ataly sóz bar. Úlken qundylyqtar qamtylǵan maqaldy basshylyqqa alǵan atalarymyz qoǵamnyń tiregi árbir otbasy ekenin baǵzydan bizdiń sanamyzǵa sińirip kelgen. Shyn máninde otbasynda bereke-tynyshtyq bolmasa azamattardyń qoǵamǵa ese qosýy múmkin emes. Elbasy «Ot­basy – Qazaqstan qoǵamy­nyń diń­gegi, Ekonomıkadaǵy, mádenıet­tegi, áleýmettik saıasattaǵy barlyq jańa jetistikteriniń negizi» dep bul máse­leniń bizdiń qoǵam úshin mańy­zyn kórsetip berdi. Sondyqtan «Islam jáne otbasy» jyly aıasynda ótkizilip otyrǵan semınarymyz halqymyzdyń otbasy qundylyqtaryn jańǵyrtyp, jas otbasylarǵa nasıhattaýǵa baǵyttalyp otyr», - deı kelip Asqar Muqanov is-sharaǵa qoldaý bildirgen Astana qalasynyń ákimdigine, semınar spıkerlerine alǵys bildirdi.

Astana qalasynyń Qoǵamdyq damý basqarmasynyń basshysy Danııar Esın semınarǵa arnaıy qatysyp, onyń qoǵamdyq mańyzy aıyryqsha ekenin atap ótti.

«Elbasy «Bolashaqqa baǵdar: rýhanı jańǵyrý» atty maqalasynda «Eger jańǵyrý eldiń ulttyq-rýhanı tamyrynan nár ala almasa, ol adasýǵa bastaıdy» dep ulttyq jańǵyrýdyń negizgi ulttyq rýhanııat ekenin atap kórsetken edi. Atalmysh semınar qoǵamnyń uıytqysy bolǵan otbasy qundylyqtaryn nasıhattap, januıa jarasymy, birtutas qoǵam qurý isi úshin de aıryqsha mánge ıe. Osyndaı el rýhanııaty úshin paıdaly is-sharany uıymdastyryp otyrǵan QMDB-nyń Astana qalasy boıynsha ókildigine alǵysymyzdy bildiremiz», - dedi D. Esın.

Semınar aıasynda QMDB-nyń Sharıǵat jáne pátýa bóliminiń meńgerýshisi Sansyzbaı Qurbanuly, f.ǵ.k., professor, mádenıettanýshy, abaıtanýshy Omar Jálel, «Astana qalasy ákimdiginiń Din problemalaryn zertteý ortalyǵy» KMM «Destrýktıvti dinı aǵymdardan zardap shekkenderge psıhologııalyq kómek kórsetý» bóliminiń basshysy,  psıholog Qoıshıeva Lımana, QMDB-nyń Áıel-qyzdar sektorynyń jetekshisi Aqbópe Qanatqyzy qatarly bilikti mamandar neke, talaq máseleleriniń sharıǵattaǵy úkimi, halqymyzdyń jas otbasylarǵa bergen tárbıesi, áıel zatynyń otbasyndaǵy orny men mańyzy jaıly baıandamalar oqydy. Sonymen birge, semınar qatysýshylary tarapynan qoıylǵan otbasy máselelerine baılanysty suraqtarǵa tushymdy jaýap berdi.

Pіkіrler Kіrý