ASTANADA JAŃA ENTsIKLOPEDIIaNYŃ TUSAÝY KESILDI (FOTO)

Astanada resmı qyzmet etetin dinı birlestikterdiń shyǵý tarıhy, olardyń qyzmeti men dinı ǵıbadat ǵımarattary jaıynda jazylǵan «Elordanyń dinı nysandary» Entsıklopedııasynyń tanystyrylymy ótti.

Saltanatty is-shara Beıbitshilik jáne kelisim saraıynda ótti. Astana qalasy Din isteri basqarmasy daıyndaǵan kitaptardy tamashalaýǵa elordalyq dinı birlestikterdiń basshylary, ǵylymı-saraptamalyq qoǵamdastyq ókilderi men memlekettik organdardyń qyzmetshileri keldi. Sonymen qatar QMDB Tóraǵa orynbasary, naıb múftı Kenjeáli qajy Qońyratbaıuly bastaǵan Astana qalasynyń ımamdary qatysty. 

Dinı birlestikterdiń tarıhy men kýlttik tájirıbesi týraly jazylǵan týyndy – Astananyń shırek ǵasyrdaǵy jetistigi. Jańa jınaq 16 taraýǵa bólingen. Ár bólimde elordadaǵy konfessııalar týraly jekelegen tolyq aqparat usynylǵan. Sondaı-aq jınaqta dinı birlestikterdiń shyǵý tarıhy men búgingi atqaryp jatqan jumysy týraly jazylǵan, túrli dinı oryndardyń, sáýletti ǵımarattardyń fotolary da engen.