ASTANADAǴY «TÓLEBAI» MEShITINDE RÝHANI MÁÝLIT KEShI ÓTTI (FOTO)
Astana qalasy ókildigine qarasty «Tólebaı» meshitinde qasıetti Máýlit merekesine arnalǵan taǵylymdy rýhanı kesh ótti.
Keshke QMDB Sharıǵat jáne pátýa bóliminiń meńgerýshisi, belgili ǵalym Sansyzbaı Qurbanuly, Astana qalasynyń Bas ımamy Erbolat Júsipov, sondaı-aq elorda meshitteriniń ımamdary men kópshilik jamaǵat qatysty.
Shara barysynda ustaz Sansyzbaı Qurbanuly men qala Bas ımamy Erbolat Nuryldauly Paıǵambarymyzdyń ónegeli ómir joly men adamzatqa qaldyrǵan asyl murasy jaıynda taǵylymdy ýaǵyz-nasıhat aıtty. Olar óz sózderinde Alla Elshisiniń (ﷺ) meıirim men sabyr, ádildik pen raqym syndy kórkem minezin úlgi ete otyryp, jamaǵatty sol ónegege umtylýǵa shaqyrdy.
«Úmmetine úlgi bolǵan Muhammed (ﷺ)» taqyrybynda ótken bul rýhanı jıynda máýlit jyry oqylyp, Paıǵambarǵa salaýattar aıtyldy. Ásem áýen men júrekke jyly sózder sharanyń rýhyn arttyryp, tyńdaýshylardy tereń áserge bóledi.
Sonymen qatar, jamaǵat arasynda arnaıy vıktorınalyq suraq-jaýap oıyny uıymdastyrylyp, Paıǵambar ómirinen syr shertetin suraqtarǵa durys jaýap bergen qatysýshylarǵa estelik syılyqtar tabys etildi.
Kesh sońynda qasıetti Quran aıattary oqylyp, úmmet birligi, el amandyǵy men jurt tynyshtyǵy úshin arnaıy duǵa jasaldy.
Sýretterdi «FOTOGALEREIa» aıdarynan kóre alasyzdar!
Источник: Aidos
