ATYRAÝDA BEIBARYS SULTANNYŃ 800 JYLDYǴYNA ARNALǴAN KONFERENTsIIa ÓTÝDE (FOTO)
Qazaqstan musylmandary dinı basqarmasynyń uıymdastyrýymen Atyraý qalasyndaǵy Safı Ótebaev atyndaǵy Atyraý munaı jáne gaz ýnıversıteti ǵımaratynda Deshti Qypshaq dalasynan shyqqan dańqty babamyzdyń 800 jyldyǵyna arnalǵan «ULY DALA BARYSY – BEIBARYS SULTAN» halyqaralyq ǵylymı-tájirıbelik konferentsııasy bastaldy.
Alqaly jıyn Quran aıattaryn oqýmen bastalyp, QMDB-nyń tynys-tirshiligin baıandaıtyn beınerolık kórsetildi. Odan ary QMDB Tóraǵasy, Bas múftı Naýryzbaı qajy Taǵanuly men Atyraý oblysy ákiminiń orynbasary Jasulan Oraquly sóz alyp, Beıbarys babamyzdyń Islam tarıhyndaǵy jáne qazaq qoǵamyndaǵy orny týraly baıandady.
Konferentsııada ál-Farabı atyndaǵy QazUÝ-dyń «Turan-Iran» ǵylymı-zertteý ortalyǵynyń dırektory Islam Jemeneı, Nur-Múbárak ýnıversıteti janyndaǵy Ábý Hanıfa ǵylymı zertteý ortalyǵynyń dırektory, professor Shámshadın Kerim, PhD doktor, shyǵystanýshy Paltóre Yqtııar, fılologııa ǵylymdarynyń doktory, professor Qadyr Júsip, sondaı-aq mysyrlyq doktorlar Ahmad Mýhammad Alı ál-Mysrı, Ahmad Hasan Alı Omar, túrkııalyq ǵalym, professor Jengız Tomar t.b ǵalymdar Beıbarys sultannyń ómiri men qyzmeti jaıynda ǵylymı baıandama jasaıdy.
