«AIBIKE» KLÝBY: QYZDAR ARASYNDA JÚGIRÝDEN MARAFON ÓTTI (FOTO)

QMDB Astana qalasy ókildigine qarasty «al-Fattah» meshitiniń «Aıbıke» qyz-kelinshekter klýby meshittiń áıel shákirtteri arasynda júgirýden marafon uıymdastyrdy.

Atalmysh ıgi shara Astana qalasy ákimdiginiń qoldaýymen júzege asyp otyr. Áıel jamaǵaty arasynda «Táni saýdyń – jany saý» támsili aıasynda sporttyq sharalardy ótkizip otyrý klýbtyń taǵy bir baǵytyna jatady.

Saıystyń ashylý rásiminde «al-Fattah» meshitiniń naıb ımamy Baqytjan Ótkelbaev sóz sóılep, qatysýshy jamaǵattarǵa sáttilik tiledi. 30 shaqty adam qatysqan marafonǵa eńkeıgen qarttan bastap jasóspirim qyzdar da atsalysty. Atap aıtsaq, 12 jastaǵy shákirtter men 50 jasty alqymdaǵan ájeler de 5 km qashyqta júgirip, bar ónerin ortaǵa saldy.

Barlyq qatysýshylar arnaıy medaldarmen marapattalyp, júldeli 3 orynǵa 50 000, 30 000, 20 000 teńge kóleminde syıaqy berildi.

Saıys sońynan áıel shákirtterdiń basqosýy tabıǵat aıasyndaǵy dastarhan aınalasynda jalǵasty. «Aıbıke» klýbynyń jetekshisi Zarına Shamıdollaqyzy jınalǵan jamaǵatqa ýaǵyz-nasıhat aıtyp, qatysýshylarǵa óz rızashylyǵy men alǵysyn billdirdi.

Источник: Aidos