Áıel shákirtteri arasynda bilim baıqaýyna irikteý júrgizildi (FOTO)

Keshe Astana qalasyndaǵy respýblıkalyq «Áziret Sultan» meshitiniń áıel shákirtteri arasynda jyl saıyn ótkizilip kele jatqan dástúrli Bilm baıqaýynyń irikteý kezeńi bolyp ótti. «Áıelderge arnalǵan ǵylymhal» kitaby boıynsha quralǵan test suraqtarynan joǵary upaı jınaǵan shákirtterge Táýelsizdik kúnine oraı ótetin aqtyq saıysqa joldama beriletin bolady.

Bilim baıqaýynyń irikteý kezeńine «Áziret Sultan» meshitindegi Dinı saýat ashý kýrsynyń qazaqtildi 3 toby boıynsha jalpy sany 90-ǵa jýyq shákirt qatysyp, fıqh salasy boıynsha óz bilimderin tekserdi.

Aıta keteıik, búgingi tańda shákirtter sany 600-den astam respýblıkalyq «Áziret Sultan» meshitindegi Bilm baıqaýy osymen tórtinshi jyl turaqty túrde ótkizilip keledi. Ótken aptada Bas meshittiń er shákirtteri arasynda «Islam aqıdasy» boıynsha Bilim baıqaýyna irikteý júrgizilgen bolatyn.

Sýretterdi «FOTOGALEREIa» aıdarynan kóre alasyzdar!