Áıel jamaǵaty «Berekeli juma» nasıhat dastarhanynda bas qosty (FOTO)

Keshegi ótken qasıetti juma kúni respýblıkalyq «Áziret Sultan» meshitiniń áıel jamaǵaty úshin aıryqsha boldy. Bas meshittiń áıel ustazdarynyń uıymdastyrýymen juma namazynan keıin «Berekeli juma» atty nasıhat dastarhany jaıylyp, jamaǵat arasyn jylytqan keleli otyrys ótti.

Nasıhat sabaǵy barysynda ustaz Dınara Quttyqojaqyzy «Qyzym, saǵan aıtam...» taqyrybynda áıel jamaǵatyna qajetti keńestermen bólisip, Islam dininiń buıryqtary men tyıymdarymen tanystyra ótti. Aq jaýlyqty ájelerimizden bastap, túrli jastaǵy qyz-kelinshekter budan soń aq dastarhan basynda bas qosyp, bir úıdiń balalaryndaı baýyrmaldyqpen birige tústi. Erkin otyrys ústinde bir-birimen etene tanysyp, birine ózine aqylshy ápke, endi biri qurby tapqan áıel jamaǵaty Juma kúniniń merekelik áserine bólenip qaıtty.

Aıta keteıik, «Berekeli juma» nasıhat dastarhanyń «Áziret Sultan» meshitiniń áıel ustazdarynyń uıymdastyrýymen aı saıyn ótkizilip turatyn bolmaq.

Sýretterdi «FOTOGALEREIa» aıdarynan kóre alasyzdar!