Áıel jamaǵaty meshit ishine tazalyq júrgizdi (FOTO)

Búgin Astana qalasyndaǵy respýblıkalyq «Áziret Sultan» meshitiniń áıel jamaǵaty qulshylyq ordasynda senbilik ótkizdi. «Inabat» qyzdar klýbynyń uıymdastyrýymen júzege asqan senbilikke «Áziret Sultan» meshitiniń dinı saýat ashý kýrsynyń shákirtteri men jalpy jamaǵat atsalysyp, alyp meshittiń ishin aınadaı ǵyp tazartyp shyqty.

Bilek sybana iske kirisken 40-tan astam qyz-kelinshek qulshylyq ordasynyń úlken jáne kishi zalyn, úshinshi qabattaǵy qyzmettik kabınetter men dárishanalardy tazalap, saýapty shara atqardy. Senibilik sońynan jamaǵattyń aýyzbirshiligin arttyryp, aradaǵy dostyq baılanysty nyǵaıtý túsý maqsatynda arnaıy dastarhan jaıylyp, shaı berildi. Dastarhan basynda meshit ustazdary jamaǵatqa ýaǵyz aıtyp, otyrystyń rýhanı mańyzdylyǵyn arttyra tústi.

Sýretterdi «FOTOGALEREIa» aıdarynan kóre alasyzdar!