Áıel jamaǵatyna ádeptilik ólshemderi jóninen semınar uıymdastyryldy (FOTO)

Respýblıkalyq «Áziret Sultan» meshitiniń «Inabat» qyz-kelinshekter klýbynyń uıymdastyrýymen ár apta saıyn ótkizilip kele jatqan kezdesý keshine bul joly «Etıket» mektebiniń dırektory Saıa Ábdiǵanı shaqyrylyp, áıel jamaǵatyna arnalǵan áserli semınar sabaǵy ótti.

Aıta keteıik, Dınara Qutqojaqyzy bastaǵan respýblıkalyq «Áziret Sultan» meshitiniń áıel ustazdarynyń uıytqy bolýymen búgingi kúnge deıin Bas meshittiń áıel jamaǵatyna túrli baǵyttar men taqyryptar boıynsha birneshe kezdesýler, semınar sabaqtary dástúrli túrde ótip keledi. Atap aıtqanda, ár juma saıyn «Áziret Sultan» meshitiniń áıel jamaǵatyna qoǵam qaıratkerleri men elimizge belgili psıholog ǵalymdar, kıim dızaıneri men kýlınarııa sheberleri, áleýmettik mekeme mamandary, t.b. tanymal tulǵalar arnaıy sabaqtar ótkizgen bolatyn.

Ádep taqyrybyn arqaý etken bul jolǵy semınar sabaǵy da qatysýshylar úshin qajeti mol dúnıege aınaldy. Qazirgi qoǵam boıynan qashyqtap bara jatqan qundylyqtarymyz ben salt-dástúrlerimizdi qaıta jańǵyrtyp, qyz balasynyń boıyndaǵy ádeptilik pen ınabattylyqty qalyptastyrý joldaryna meńzegen maman dárisi dápterge túrtip alyp otyrǵandar da kezdesti. Semınar sońynda Saıa Ábdiǵanıqyzyna respýblıkalyq «Áziret Sultan» meshitiniń atynan «Alǵys hat» tabystalyp, rýhanı kitaptar tartý etildi.

Sýretterdi «FOTOGALEREIa» aıdarynan kóre alasyzdar!