ÁIEL JAMAǴATYNA ARNALǴAN RAMAZANǴA DAIYNDYQ NASIHATY BASTALDY (FOTO)

Elordadaǵy «Áziret Sultan» meshitinde ár juma saıyn áıel jamaǵatyna arnalǵan ýaǵyz saǵaty búgin de óz jalǵasyn tapty. Juma namazynan keıin áıel jamaǵatyna «Áziret Sultan» meshitiniń ustazy Zarına Shamıdýllaqyzy «Ramazanǵa daıyndyq» taqyrybynda nasıhat aıtty.

Aılardyń sultany Ramazanǵa musylman balasy, sonyń ishinde, áıel jamaǵatynyń daıyndyǵy qandaı bolýy kerektigin, jalpy bul aıda aýyz bekitýden bólek qandaı abzal amal-áreketterge mán berý qajettigin, qasıetti aıdaǵy nápsi tárbıesi men kórkem minezge qol jetkizý joldaryn táptishteı túsindirgen ustaz ýaǵyzy jamaǵatqa erekshe áserli boldy.

Ýaǵyz sońynda ádettegideı jamaǵat suraqtaryna kezek berilip, túrli taqyryptar boıynsha jaýap berildi.

Aıta keteıik, qasıetti aıǵa deıin  Erlan Aqataevtyń «Ramazanǵa daıyndyq» kitaby boıynsha  turaqty túrde ýaǵyz júrgizilip turmaq.

Источник: Aidos