Áıel jamaǵatyna aýyzashar ótkizilip, ýaǵyz-nasıhat aıtyldy (foto)

Búgin  QMDB Áıel-qyzdar sektory Astana ókildiginiń «Áziret Sultan» meshitine qarasty «Inabat» qyz-kelinshekter klýby Ramazanǵa daıyndyq maqsatynda shákirttermen aýyzashar uıymdastyrdy. Aýyzasharǵa deıin meshit ustazdary Zarına Shamıdýllaqyzy men Ásel Dúısebekqyzy orazanyń mańyzdylyǵy, dinge qyzmet jáne júrek tazalyǵy taqyrybynda ýaǵyz-nasıhat aıtty. Sondaı-aq, jańadan qosylǵan shákirtterge «Inabat» qyz-kelinshekter klýbynyń maqsaty men jumysy tanystyrylyp, beınerolık kórsetildi. Jıyn sońynda barlyq shákirtter men ustazdar bir ýaqytta duǵa jasap, aýyzashar dastarhanyna jaıǵasty.

Aıta keteıik, «Áziret Sultan» meshitiniń shákirtteri súnnetti jańǵyrtyp dúısenbi kúni nápil orazasyn ustaǵan. Sondaı-aq, baýyrmaldyqty arttyrý maqsatynda ózara syılyq almasýǵa kelisken.

Sýretter toptamasyn  «FOTOGALEREIa» aıdarynan kóre alasyzdar!

Источник: Aidos