ÁIEL JAMAǴATYNA EŃBEK ETÝDIŃ MAŃYZDYLYǴY TÚSINDIRILDI (FOTO)
«Áziret Sultan» meshitinde áıel jamaǵatyna «Islam dininde eńbek etýdiń mańyzy» taqyrybynda ýaǵyz-nasıhat jasaldy.
«Áziret Sultan» meshitiniń ustazy, «Ájeler mektebi» klýbynyń jetekshisi Kúlsara Beket meshittiń áıel jamaǵatyna eńbek etip, adal tabys tabýdyń mańyzdylyǵyn túsindire otyryp, úgit-nasıhat jasady.
Islam adamzatty aldymen Allaǵa ıman keltirýge, sodan soń sol ımannyń aıasynda ıgilikti amal isteýge shaqyrady. Adal eńbekpen nesibesin aıyrý - paıǵambarlardyń joly. Eńbek etýdiń artyqshylyǵyn Paıǵambarymyz (Allanyń oǵan sálemi men ıgiligi bolsyn) kóptegen hadısterinde aıryqsha atap ótken. Tipti, taban aqy, mańdaı termen tabys tabýdy Alla jolyndaǵy erlik iske balaǵan.
