Áıel jamaǵatyna kýlınarııalyq master klass uıymdastyryldy (FOTO)

11 qarasha 2019 4629 0
Оqý rejımi

Nur-Sultan qalasyndaǵy respýblıkalyq «Áziret Sultan» meshitiniń áıel jamaǵaty úshin keshe arnaıy kýlınarııalyq master klass uıymdastyryldy. «Inabat» qyz-kelinshekter klýbynyń bastamasymen bul joly kezdesýge áleýmettik jelide óz aspazdyq sheberligimen tanylǵan Baljan Muhıtdınqyzy shaqyrylǵan bolatyn.

Túrli táttiler men torttardy, nebir taǵam túrlerin úı jaǵdaıynda qalaı daıyndaýǵa bolatynyn kórsetip bergen Baljan Muhıtdınqyzy óziniń qupııa retsepterimen de bólisti. As úıdegi belsendilikterin arttyrýǵa tyrysqan qyz-kelinshekter toby tanymal mamannyń ár aıtqanyn qatysýshylar qoıyn dápterlerine túrtip alyp otyrdy.

Budan keıin barlyq qatysýshylar jańa daıyndalǵan tátti tortpen shaı iship, dastarhan basyndaǵy keleli otyrysqa jalǵasty. Kesh sońynda Baljan Muhıtdınqyzyna «Áziret Sultan» meshitiniń atynan arnaıy «Alǵys hat» berilip, qasıetti Quran kitaby tartý etildi.

Sýretterdi «FOTOGALEREIa» aıdarynan kóre alasyzdar!

Pіkіrler Kіrý