ÁIEL JAMAǴATYNA «QOLÓNER – SYRLY ÓNER» ATTY MASTER-KLASS ÓTTI
QMDB Áıel-qyzdar sektory Astana qalasy ókildigine qarasty «Kóktal» meshitiniń uıymdastyrýymen «Din men dástúr» baǵyty boıynsha «Qolóner – syrly óner» atty master-klass ótti.
Master-klassqa tigin salasy boıynsha jeke kásipker, «Shynar» qolóner mektebiniń negizin qalaýshy Kalelova Shynar Kalymbekqyzy men tigin mamany Dakıs Begjan shaqyryldy. Jamaǵatqa oıýly jastyqtyń qalaı tigiletinin, sondaı-aq, oramaldy ulttyq oıýlarmen ásemdeý úlgilerin kórsetti.
Jıynǵa QMDB áıel-qyzdar sektorynyń meńgerýshisi Dınara Qutqojaqyzy qatysyp, jyly lebizin bildirdi.
Jınalǵan jamaǵat kásibı mamandardyń kórsetýimen ulttyq naqyshtaǵy kıimder tigýdi úırenip, qyzyǵýshylyqtaryn bildirdi.. Kókeıdegi suraqtaryn qoıyp, tyń aqparattarǵa qanyq boldy. Jıyn sońynda shaqyrylǵan qonaqtarǵa syı-sııapat tabystalyp, dastarhan jaıyldy.