ÁIELDER ARASYNDA QURAN JARYSY ÓTTI (FOTO)

Elordamyzdaǵy «Sheıh Kýnta qajy» meshitinde QMDB Astana qalasy ókildigi Áıel-qyzdar sektorynyń uıymdastyrýmen meshitaralyq Quran Kárimdi jatqa jáne mánerlep oqý jarysy ótti.

Meshitte bilim alyp jatqan shákirtterdiń bilimin tekserý maqsatynda ótken bul saıys eki atalym boıynsha júrgizildi. Atap aıtsaq, Qurandy kórkem oqý jáne 30-parany jatqa aıtý.

Shara bastalmas buryn «Kýnta qajy» meshitiniń bas ımamy Bekqoja Ómirzaq qatysýshylarǵa óz rızashylyǵyn bildirip, Allanyń qasıetti kitaby Quran Kárimdi jattaýdyń saýaby men mańyzdylyǵy jaıynda jamaǵatqa ýaǵyz aıtty. 

Jeńimpazdarǵa arnaıy aqshalaı syılyqtar men sertıfıkattar jáne de qasıetti Qurandy basyp jazýǵa arnalǵan dápterler syıǵa berildi. 

Saıys nátıjesi:

«30-parany jatqa oqý» atalymy boıynsha:
1-oryn – Áýeshan Ajar («Sádýaqas Ǵylmanı» meshiti)

2-oryn – Qanasova Amına (Respýblıkalyq Bas meshit)

3-oryn – Raıymbek Saýle («Áziret Sultan» meshiti)

«Qurandy kórkem oqý» atalymy boıynsha:
1-oryn –Qablanbekova Gaýhar («Áziret Sultan» meshiti)

2-oryn – Súıindikova Araı («Sádýaqas Ǵylmanı» meshiti)

3-oryn – Qýatova Juldyz («Sheıh Kýnta qajy» meshiti)

Sýretter toptamasyn  «FOTOGALEREIa» aıdarynan kóre alasyzdar!

Источник: Aidos