«ÁZIRET SULTAN» MEShITI 35 MUQTAJ OTBASYǴA AZYQ-TÚLIK ÚLESTIRDI (FOTO)
Qazaqstan musylmandary dinı basqarmasy Astana qalasy ókildigi «Áziret Sultan» meshitiniń uıymdastyrýymen elordalyq 35 muqtaj otbasyǵa azyq-túlik taratyldy.
Jomart jandardyń demeýshiligimen júzege asqan ıgi iske QMDB «Zeket jáne qaıyrymdylyq» qorynyń Astana qalasy ókildigi boıynsha jaýapty mamany Nurbol Orazbaı bastaǵan meshit eriktileri atsalysty.
Elordalyq az qamtylǵan otbasylarǵa 1 aıǵa jetetin azyq-túlik qorjyndary daıyndalyp, meken-jaılaryna jetkizip berildi. Kómek alýshy turǵyndar da jaqsy tilekterin aıtyp, jalǵasyn taýyp kele jatqan saýapty iske alǵysyn bildirdi.
Qaıyrymdylyq jasap, muqtaj jandarǵa kómektesý – úlken saýapty is. Paıǵambarymyz Muhammed (oǵan Allanyń salaýaty men sálemi bolsyn): «Kimde-kim baýyrynyń qajetin ótese, Alla onyń qajetinde bolady...» – degen.
Источник: Aidos
