«ÁZIRET SULTAN» MEShITI 550 BALANY MEKTEPKE DAIYNDADY (FOTO)
«Áziret Sultan» meshitinde ótip jatqan «Mektepke jol-2025» qaıyrymdylyq sharasy aıasynda 550 balaǵa oqýǵa qajetti sómkeler men qural-jabdyqtar úlestirildi.
Atalmysh joba Astana qalasynyń jáne «Áziret Sultan» meshitiniń Bas ımamy Erbolat Júsipovtiń basshylyǵy men Astana qalasy ókildigi «Zeket jáne qaıyrymdylyq» qorynyń aıasynda júzege asty.
Shara barysynda QMDB «Zeket jáne qaıyrymdylyq» qorynyń Astana qalasy ókildigi boıynsha jaýapty mamany Nurbol Orazbaı muqtaj jáne kóp balaly otbasylarǵa tizim boıynsha oqý quraldaryn taratyp, ata-analar uıymdastyrýshylarǵa rızashylyqtaryn bildirdi. Jańa oqý jylyna úlken qoldaý bolǵan bul ıgi qadam balalarǵa erekshe qýanysh syılady.
Aıta keteıik, ár jyly QMDB tóraǵasy Bas múftı Naýryzbaı qajy Taǵanulynyń basshylyǵymen respýblıka boıynsha meshitterde «Mektepke jol» dástúrli qaıyrymdylyq aktsııasy ótkiziledi. Aktsııanyń maqsaty – az qamtylǵan jáne kóp balaly otbasylardan shyqqan, jetim balalar men ata-anasynyń qamqorlyǵynsyz qalǵan oqýshylarǵa jańa oqý jylyna daıyndyq kezeńinde jáne áleýmettik sebepter boıynsha balalardyń mektepke barmaýynyń aldyn alý úshin kómek kórsetý.
Sýretterdi «FOTOGALEREIa» aıdarynan kóre alasyz!
Источник: Aidos
