100 OTBASYǴA QAIYRYMDYLYQ SEMINARY ÓTKIZILIP, DASTARHAN JAIYLDY (FOTO)

Búgin Astana qalasyndaǵy «Áziret Sultan» meshitinde qaıyrymdylyq semınary uıymdastyrylyp, 100-den astam qatysýshyǵa merekelik dastarhan jaıyldy. Qoǵammen baılanys baǵyty aıasynda semınarǵa qatysýshylarǵa otbasylyq qundylyqtar, sabyr men qanaǵat, ómirdiń túrli aýyrtpashylyqtaryna tózimdilik tanytyp, adal nesibe izdeý taqyryptarynda ýaǵyz-nasıhat aıtyldy.

QMDB «Zeket jáne qaıyrymdylyq» qorynyń Astana qalasy ókildigi uıymdastyrýymen semınardan soń múmkindigi shekteýli jandarǵa, jalǵyzbasty analar men az qamtylǵan 100-den astam otbasyǵa «Áziret Sultan» meshitinde qaıyrymdylyq dastarhany jaıyldy. 

Kelgen qonaqtardy Astana qalasy boıynsha «Zeket jáne qaıyrymdylyq» qorynyń jaýapty ókili Mereı Jaqııa qarsy aldy. Sondaı-aq, meshit ımamdary Tamırlan Darhanuly, Ádilhan Serikbaı, Omar Salımbekov kelýshilerge arnaıy ýaǵyz-nasıhat júrgizdi.

Источник: Aidos