«ÁZIRET SULTAN» MEShITINDE ALǴAShQY TARAÝIH NAMAZY OQYLDY (FOTO)

Isi musylman qaýymy saǵyna kútken qasıetti Ramazan aıy da bastaldy. Berekeli aıda Alla razylyǵynan úmit etken musylman qaýymy qulshylyq ordalaryna jınalyp, taraýıh namazdary da bastalyp ketti. Saýaby sansyz múbárak aıdy meılinshe paıdaly ótkizýdi josparlaǵan elimizdiń barlyq qulshylyq ordalary bul kúnge daıyndyqtaryn erte bastan pysyqtap, qapysyz qamdanyp ta qoıǵan bolatyn. Jamaǵat jaǵy da qasıetti aımen qaýyshar sátke erekshe daıyndyqpen, aıryqsha yqylaspen aıaq basyp, kesh túsisimen qulshylyq ordasyna qaraı aǵyla bastady.

Jamaǵattyń osyndaı ystyq yqylasy men yntasy Astana qalasyndaǵy «Áziret Sultan» meshitinde aıryqsha baıqaldy. Quptan namazynyń azany shaqyrylmaı jatyp meshit ishi ıin tiresken jamaǵatqa lyq tolyp, bir-birin Ramazannyń bastalýymen quttyqtaǵan tilekter tıegi aǵytyldy. Quptan namazynan soń Astana qalasynyń ókili, «Áziret Sultan» meshitiniń bas ımamy Erbolat Júsipov Ramazan aıynyń qadir-qasıeti jaıynda jamaǵatqa taǵylymdy ýaǵyz aıtyp, otyz kún boıy taraýıh namazyn ótkizetin qarılardy jurtshylyqqa tanystyrdy. Artynsha jamaǵatpen taraýıh namazy oqylyp, duǵa-tilekter jasaldy.

Aıta ketsek, Astana ókildigine qarasty qaladaǵy barlyq meshitterde otyz kún boıy taraýıh namazynan qaıtqan jamaǵatqa tegin qoǵamdyq kólik qyzmet kórsetetin bolady.

 

Источник: Aidos