«ÁZIRET SULTAN» MEShITINDE AIT NAMAZY OQYLDY (FOTO)

Búgin musylman qaýymynyń ulyq merekeleriniń biri - Oraza aıt meıramy tańǵy saǵat 07.00-de Astana qalasynyń meshitterinde qulshylyqpen bastaý aldy.

«Áziret Sultan» meshitindegi aıt namazyna QMDB tóraǵasynyń orynbasary, naıb múftı Ershat qajy Aǵybaıuly qatysyp, jamaǵatty Oraza aıt merekesimen quttyqtady. Aıt merekesiniń qadir-qasıetin ashyqtap, búgingi kúndi berekeli, saýapty ótkizýge shaqyrdy.

Astana qalasynyń bas ımamy Erbolat Júsipov aıt namazyna ımamdyqqa shyǵyp, jamaǵatqa aıt qutpasyn jetkizdi. Namaz sońynda jamaǵatpen birge duǵa jasalyp, elimizde oryn alyp jatqan sý tasqyny tezirek seıilip, halqymyz amandyq pen berekede ǵumyr keshýin tilep aqsaqaldar batasyn berdi.

Sýretterdi «FOTOGALEREIa» aıdarynan kóre alasyzdar!

 

Источник: Aidos