«ÁZIRET SULTAN» MEShITINDE «BABALAR RÝHYNA 150 QURAN HATYM» ShARASY ÓTTI (FOTO)

QMDB Astana qalasy ókildigi «Áziret Sultan» meshitinde «Babalar rýhyna 150 Quran Hatym» sharasy bolyp ótti.

Igi sharaǵa QMDB Sharıǵat jáne pátýa bóliminiń meńgerýshisi, naıb múftı Sansyzbaı Qurbanuly, Astana qalasynyń ókili, «Áziret Sultan» meshitiniń bas ımamy Erbolat Júsipov jáne aq jaýlyqty analarymyz ben áıel-qyzdardan quralǵan shákirtter qatysty.

Atalmysh shara Astana qalasy Áıel-qyzdar sektorynyń jetekshisi Elmıra Serikbaıqyzy men «Áziret Sultan» meshiti «Ájeler mektebiniń» jetekshisi Kúlsara Beket ustazdardyń atsalysýymen júzege asyp otyr. Quran aıy bolǵan qasıetti Ramazan qarsańynda áıel jamaǵaty arasynan iriktelgen shákirtter negizinde arnaıy top qurylyp, Allanyń kálamyn hatym etý nıet etilgen bolatyn. Mine, búgin úlken yqylas pen eńbektiń arqasynda búginge deıin Quran Kárim 150 ret hatym etilip, duǵasy jasalyp, saýaby babalar rýhyna baǵyshtalyp otyr.

Rýhanı sharada naıb múftı Sansyzbaı Qurbanuly aq jaýlyqty ájelerimiz ben basqa da áıel shákirtterdiń yjdahattylyǵy úshin alǵys bildirip, Quran Kárimniń sharapatyn tiledi.

Sýretterdi «FOTOGALEREIa» aıdarynan kóre alasyz!

Источник: Aidos